شاعر نصراوي يتغزل بالهلال

هذي قصيده قديمه بس اعجبتني وكتبته هنا
تقبلوااااا مروري يالزرق

يستاهلون الزرق كأس البطوله
من غيرهم يستاهل الكأس ياناس
يقولها شاعر للأصفر ميوله
بس الحقيقه واضحه بكل مقياس
هذا الزعيم اليوم مسرج خيوله
عينه على الدوري وفي يدينه الكأس
هذا الفرق اللي تنومس فعوله
خزائنه تحوي الذهب هو والالماس
له صولة في كل ملعب وجوله
الجن الأزرق لالعب يطرب الناس
اسمه غدا مشهور في كل دوله
ومن هو يحبه دايم رافع الرأس
من قابله قامت تصافق رجوله
ويعود وهو مهموم ضايق ومحتاس
حارس أسد ودفاع كله رجوله
وهجوم ناري مرعب كل حراس
والتائب الطارق يامحلى نزوله
لاعب خيالي مالقينا له اجناس
ومحمد الشلهوب يازين زوله
موهوب فنان كبير وحساس
وقدامهم ياسر إذا مررواله
خلا المقابل يضرب أخماس باسداس
ويديرهم شيخ من أطيب حموله
محمد عريب الأصل والجد والساس
محمد الفيصل عداه شهدوا له
بإنه كريم شهم ساطي قوي باس
ومن خلفهم جمهور تقرع طبوله
تشجيعهم مبني على حق وأساس
هذا الهلالي ياعرب صفقواله
يستاهل الامجاد كأس ورا كأس
ويبقى النصر حبي وعشق الطفوله
ماأبدله رغم النكايد والأتعاس
لو هو يعيش اليوم اسوأ فصوله
ومنهد من عالي مبانيه للساس
عشق النصر ياناس عندي بطوله
ماهمني دوري ولا همني كأس

لشاعر محمد بن صالح الثبيتي

والله الله باردود
تحياتي: